Ini ngisahka empat sekawan, bulia dikiciaka ughang be empat ni mata Guang galo. Namoyo Dang Pulian, Dang Agam, Dang Pandak dengan Dang Nyempit.
Nah cerito terak ini pukok datang Jak dang Pulian, nyo Ado batang mangga berbuah lebat tapi Ado saghang tabuan, mo kato dang Pulian baso situ di ingun nio, singkat cerito Dang Pandak, Dang Nyempit, dengan Dang Agam tandang Ndak mintak buah mangga itu.
" Dang..oy dang, sehat dighi dang. Bulia mintak mangga cak 12 buah" kato Dang Pandak.
Nimbal la dang Pulian Jak dalam kamar.
" Udola banyak penyengat, kamu sengat o Kelo. Mangga Muko guma ni Nido manis banyak kapango" timbal pelit Dang Pulian.
" Kalu dighi inguni nio baso tabuan ini, nandoko pelit ru, ngeluaghla Pulo dang " saut Dang Pandak.
" Au kudai, luak ini Ding bukan dang pelit. Memang tabuan ni dang inguni mangko mangga ni betaan sampai masak, mo Nido lalamo abis didatangi magho luak kamu betigo ni" alasan Dang Pulian.
Baso buah mangga ru sebenaro la endak abis, pukok o luak Mano caroyo baso Dang Pulian ni enggup nian berbagi dengan ughang 3 ni. Kesal nian dang Agam pekaro Nido dienjuak mangga lajuo digimbat o saghang tabuan ru mangko ughang tinggalka belaghi.
" Celapuk, nah kaba keno" kato dang Agam ngimbat saghang tabuan dibatang mangga.
Kiroyo besegaian lah saghang tabuan itu, nanggung dang Pulian ditarap o.
" Ayi sakit, Ayi senak, Ayi..Ayi. Tulung" tegaik Dang Pulian disengat tabuan.
" Pajua Agi, ini lawan o jemo pelit ni. Kebilo mintak mangga banyak tegalau alasan ,kini tagoka badan nyaoru abis diciumi tabuan" kato Dang Agam.
" Nian Pulo ble ru dang pelit tegalau, kini asokala cak kah. Ingunila Agi tabuan, terak ini kegasoan dang Pulian asoku Nido dapat gasi Agi ble disengat tabuan" timbal Dang Pandak.
Dang Nyempit nimbal Pulo, sekali ngiciak Nido tetanggung ,pukok Yo masak dengagho.
" Pajua Agi, mo pelit ru itua nio balasan o, pekaro mangga sesampai ngingun tabuan, mo pelit la ke udim nio, ubat o Nido Ado. Bunua Bai o la mangko gadus situ. Kini tagoka tabuan mbak bainketing ru nyengati" kato Dang Nyempit.